Plasxart mawdacla i şultonutho du qlimo d’Kurdistan klozım dobo a zedqe demoqratikoye lu camo gawonoyo

İ mathlonitho d’Emwotho Mhaydotho bu Iraq, huwla maqırhonutho bu Mawtbo di Mşaynutho d’Emwotho Mhaydotho cali aykanoyutho harayto du Iraq u kalyo dilonoyith cali sbutho di hirutho du renyo bu qlimo d’Kurdistan.

 Bu mamlayda i mşalonitho d’UNAMİ Jenin Hennis Plasxart mırla; A mraşhe, a hfite, u tbocofroso wu camo Iraqoyo klozım dhowın hire u dmıstacmıli a zedqathe a demoqratiqoye ba guboye gawonoye du Iraq.

Athmıl bu knuşyo dsımle u Mawtbo di Mşaynutho d’Emwotho Mhaydotho, tlıble mawdconutho rwıhto mi mathlonitho d’Emwotho Mhaydotho bu Iraq Jeanine Hennis-Plasschaert, cali aykanoyutho ucala şuşote haroye du athro. Plasschaert dkıtyo i mşalonitho du tukoso d’UNAMİ, kalyo cali ulsoyutho da guboye du Iraq

Bu mamlayda i mşalonitho mırla; A mraşhe, a hfite, u tboco froso wu camo klozım dhowın hire u dmıstacmıli a zedqathe a demoqratiqoye meqım-bu zabno u bıthır ma guboye gawonoye dgımisomi bu Iraq 10 bu yarho d’Teşrin u qamoyo. Plasschaert, grışla u zuhoro cala tagliyotho ucalu cnufyo dıkmdawım, cala farsufe hfite dıkmıhtofi aw dıkmıqtoli dkıtne hani kulle, hawbe udu dyoşo da zedqe noşoye.

Hennis-Plasschaert mahkela cala esore cali aykanoyutho du momuno du athro ud esore dbeyn Boğdod udu qlimo d’Kurdistan dıklozamlın bşıkıl msarhıbo-mekanizma d’dialog qriho u stratejikoyo. İ mşalonitho bebzabno grışla u zuhoro cala qetre jıddi dkito bu qlimo d’Kurdistan bi sbutho da zedqe noşoye u mırla; U tlobo du hşowo cala dyoşe dkowe cala zedqe noşoye ğalabe mhaddıde’ne.

Plasschaert m’akadla cala qetre ucala hawbani dıkmdawmi bu qlimo u mırla; İ şato haraytathe, xlıqlın a şwolani di hirutho du renyo ğamo ğalabe rabo. A farsufe dıksaymi a mşale du qlimo sturyo, kıloqın qento du msoko uğer’ste hkimi lfuth a qonune di mşaynutho athronoyto. Bu şıkılano, kull dkothe kıqoşe u dyoşo dcalu zedqo du renyo hiro wu zedqo du maftahfemo.