12/05/2021

Qasad hule mawduconutho cala cuqobe haroye dsımle cala ğrobe marhıbone d’Dacış

A Haylawotho d’Suriya Demoqratoyto frıslın maqırhonutho cala cuqobe haroye dsımlın cala ğrobe marhıbone d’Dacış bi fnitho d’Wadi al Cçeç dkıtyo bu qlimo d’Deyr Ezzor.

Bi maqırhonuthathe a hayle d’QASAD m’akadlın, da cuqobani kımdawmi bu snodo da hayle du kaolisyon Emwothoyo hani tlotho yawme cali fnitho, mqafe cambare u zayne da krılyotho d’Dacış.

A hayle folhoye da came frişe du garbyo udu madınho d’Suriya-a Haylawotho d’Suriya Demoqratoyto frıslın maqırhonutho cala cuqobe dsımlın ba 3 yawme haroyani cala krılyotho da ğrobe marhıbone d’Dacış calu qlimo d’Deyr Ezzor dkıtyo qariwo la thume du Iraq.

Ba cuqobani dsimi bu snodo du koalisyon Emwothoyo mawdıc; Hani 3 yawme kımdawmi a Mharbone d’QASAD a cuqobathe cal Wadi al Cçeç dkıtyo qarıwto l’Deyr Ezzor. Ba cuqobani, mqafelın a Mharbone dukotho dıkmitıstacmıli leşan a marhıbone dqudri dtolın ruhaye ma cuqobe oyaroye.

Bebzabno mqafe cambare malye da zayne uda soruhathe ubu zabno da cuqobani, mfarqıci a cambarani u mahrıwi a zayne da marhıbone. Mawdıc da cuqobani mşarewolın 9 bu yarhano d’İyor, bıthır mıd a hayle d’QASAD udu koalisyon Emwothoyo hawiwolın mamle cama comure di fnitho.

U qentrun du tbocofroso d’QASAD mawdacle, bi netiçe da cuqobe mşawtıfe dsımlın a haylawothathe  udu koalisyon Emwothoyo, mahrıwi’ste a plan da hçome marhıbone dımtayabwolın a krılyotho d’Dacış calu qlimo.

Check Also

U şutoso d’Olaf Taw frısle buyono lu ray gawonoyo du camaydan

U şutoso d’Olaf Taw bu buyono dfrısle adyawma lu ray gawonoyo du camaydan, mawdacle dhın m…