Pompeo mawdacle hadirene lu snodo d’Lebnon
U waziro di baroyutho d’Amerika Mike Pompeo bi maqırhonutho dhule bi sbutho d’Lebnon mırle: En i şultonutho d’Lebnon dsaymo a şuhlofe dıkmıntır mena, Amerika hadırtoyo dı sındola.
Pompeo mırle; dsaymo i şultonutho şuhlofe u dmahwuyo dlatyo yasırto d’Hizbullah, britho gıdsundola.
Hani zabno dıkmo eşne, Lebnon kmışğoşo momunoyith, folitiqoyith u kenşoyith.
Bıthır mıd mşatso i şultonutho hathto, heş amtagılyone kımahwın u hfuxyathe cal dlıkmisım şuşote bu athro.
Bıthır ma sebwothani, u waziro di baroyutho d’Amerika Mike Pompeo hule maqırhonutho cal Lebnon u mahwele u snodathe lu athro. Bi maqırhonutheyde Pompeo mırle: Ahna hadirena dısundina i şultonutho d’Lebnon en dımşaryo dsaymo şuhlofe dkıtne manfıcone lu camo d’Lebnon kule.
Be bzabno Pompeo mırle: en u athro dmahwe dlatyo yasiro d’Hizbullah, britho kula gıdsundole. Pompeo bi maqırhonuthathe mahwele ftiho d’Amerika, lo kıbco d’Lebnon dfoyış yasiro d’Hizbulla dkıtyo bi lohitho da tukose marhıbone dıbritho.