Pompeo mzaharle cala esore dhowe camu İran

Amerika naqla hreto mawdacla du İran u haylo rabo dkuleyo dkımharhız i şalyutho bu qlimo du Madınho Mescoyo.

 Bebzabno, Amerika mawdacla danathrawotho d’Urifi kıtlın dawro asasi bu snodo du maşıqlo du şlomo bu Madınho Mescoyo.

 U waziro di baroyutho d’Amerika Mike Pompeo, bi maqırhonutho dhule adyawma l’sfaryawmo İtaloyto, makadle dan athrawotho Urifoye kıtlın dawro rişoyo bu snodo du maşıqlo du şlomo bu Madınho Mescoyo, u bu nfoqo mqabıl du İran udu qedomayde dıkmahrıw i şalyutho.

Pompeo bi maqırhonuthayde mırle; Kmıtyaqano da rişone Urifoye knofıl aclaye dmıştacın dawro stratejikoyo bu nfoqo mqabıl du İran dkımathıl hulucdo u haylo rabo dkulle dıkmharhız i şalyutho bu Madınho Mescoyo kule. Urifi kıtla dawro şerşoyo bu snodo du maşıqlo du snoco du şlomo bu qlimano, ubu tencimo du haylo İranoyo drawıhi ebe.

Bebzabno, Pompeo mawdacle dkıtle sabro da Fleştoye’ste dmıştawtıfi li tahrazto du şlomo dımbayanla Amerika, u dmabdın bazare jıddi cam İsroyel. Calu şuwolo mın gıdmisım bu zabno da Fleştoye kımqadmi la qyome d’Amerika xıd medone batile, u waziro di baroyutho Pompeo mırle; A Fleştoye klozım dımdawmi bu xtuto du dialog.

Ucali sbutho du kriz d’Libya, u waziro Amerikoyo mawdacle dıklozım Rusya u Turkiya dobın fsoso l’Libya, dhiya dşuryo u krizayda, u mırle; İ mudaxla da hayle baroye gıdmaqşiyo i aykanoyutho d’Libya dkıtyo hani ışne hnıqto bu qrobo ubu jğuşyo.