Putin u Aliyev u Paşinyan yatiwi cam hıdodhe cali sbutho d’Nagorno Qarabax

U rişono d’Rusya Vlademir Putin, hawile ytawto cama rişone d’Azerbaijan u d’Armenia. Hathe i ytawto qamayto dsimo beynothaye, bıthır mu qrobo dhawi bu qlimo d’Nagorno Qarabax.

 U nişo du knuşyano’ste, dminase dmışrın a qetre dkibın dhowın qento dhorıw u qyomo dsımwo leşan dmitaklın a taxtuşe beyn Azerbaijan u Armenia’yo.

U qyomo di şalyuthzayno sımwo beyn Armenia u Azerbaijan bi mescoyutho d’Rusya bıthır 6 şabe d’taxtuşe qaşye. U qrobo balki kali, elo heş kınofıq taxtuşe nacime beyn da hayle d’Armenia u Azerbaijan u heş lo marfın a hbişoye kulle da 2 athrawotho.

Athmıl u rişono Rusoyo Vlademir Putin, mıstaqbele u rişwazire d’Armenia Nikol Paşinyan u rişqutno d’Azerbaijan İlham Aliyev b’Mosko leşan dorşi a mkone da fulhone du ftoho d’koridor du mazlo u mathoyo beyn d’Armenia u Azerbaijan. Elo walaw a 2 mşale lo mıdlın ide dhıdode u drelın şlomo, Aliyev u Paşinyan m’akade dhawi şuşoto b’haqle frişe.

İ ytawtathe mdawamla 4 şoce, u hawyo i qamayto bıthır mıd kaliwo u qrobo beyn Armenia u Azerbaijan. Aliyev mawdacle, du athrayde gıdhowele inaqla qamayto bıthır 30 eşne xtuto du qtoro cam Nakhchivan dkıtyo thumo beyn Qarabax u Turkiya u İran. U Armenia gıdmitasro bu şıkılano cam Qarabax, Rusya wu İran.

Bıthır ma droşani’ste, sim knuşyo lu tbocofroso b’Kremlin u Putin mırle; Qadırina camhıdode dmıttafqina dmotina l’maqırhonutho leşan u şuşoto du qlimo. gıdmhalqina dawsat qrihe lu bnoyo d’esore bu haqlo du momuno udu şuşoto da tarmıyotho du mtoyo-du transport.

Mawdıc d’Armenia u Azerbaijan gıdmşakli ğrob dgımirayşın ma 2 mcadrone da 2 rişone u acmaye yadıcthone dgıfulhi calu qyomano dımbayın me 4 nuqze leşan u şekolo d’lohitho d’tarmıyotho dıklozım dmıflıh aclaye leşan u şuşoto du qlimo. İ sicthathe’ste gıdlaymo 30 bu yarhano.