Putin u Macron drışlın i şalyuthzayno b’Libya

U rişqutno d’Fransa Emmanuel Macron wu rişono d’Rusya Vilademir Putin, hawilın droşo camıhdode, cali aykanoyutho harayto d’Libya, cali mudaxala d’Turkiya lu qrobo ucalu terkiwo d’şalyuthzayno bu athro.

 Me gabo hreno mawdıc, da folhe Rusoye cabiri athmıl lanarcotho rabe u catire bu nafto. Rusya mawdacla, du şuşotano simi leşan dmitakle u produksyon du nafto b’Libyayo.

Bi mawdconutho dhuwla Kremlin m’akadla, du rişono Vilademir Putin wu baramnayde d’Fransa Emmanuel Macron, bu mamlo dhawilın athmıl bu video konferans sımlın qroyto dmitarkıw şalyuthzayno b’Libya uda gabe kulle, dı ducri lu dialog. U rişqutno Franşoyo fsihoyowe la şuşote dhawın cam Rusya bı sebwotho ulsoye; beynothaye u kriz d’Libya wu terkiwo da şutosayda a ruşmoye.

A droşani beyn Macron u Putin athın lu huwoyo, belhude şabtho bıthır mıd Fransa mahwewola hfuxyo qaşyo mqabıl d’Turkiya wi mudaxala dıksaymo lu krizano d’Libya, bnişo dmadrıyo u rabhaylawotho saqıbloyo Khalifa Haftar, dıkmısnıd me Rusya. Yawme d’Hamşoste, sımwola Fransa, Almanya u İtalya qroyto la hayle Libyoye dmaklın a taxtuşathe u dmıdcır la droşe du şlomo.

Me gabo hreno mawdıc, da hayle Rusoye wa hayle nuxroye hrene cabiri athmıl lan arcotho rabe u catire bu nafto d’Libya. Lfuth Rusya, du şuştoano simi leşan dmitakle u produksyon du nafto b’Libya’yo. I catirutho d’Libyaste fliğo beyn da hayle d’Haftar udi şultonutho du rişwazire al Sarraj awkith, Haftar mıdle a mabuce du nafto u Sarraj mahıtle ido cala mabuce du bank qentrunoyo du athro.

Libya u athro rişoyo di qıtca d’Afriqyayo dkıtyo catiro bu nafto elo Haftar maklele mu yarho d’Konun u haroyo u zebono du naftano ubi netiçe mkalafle dmivayıc 6 milyare dolare. Libya mawfıqowa hol 1.2 milyone dbarmile nafto u yawmo meqım mu fusqonano d’Haftar.