Qasad mharale 4 mharbone dhtifiwo me Daciş
A Haylawotho d’Suriya Demoqratoyto, sımlın cuqobo casyo b’Deyr Ezzor u mhararle arbco ma Mharbone du Mawtbo Folhoyo d’Deyr Ezzor dhtifiwo 14 bu yarhano mu tukoso marhıbono d’Dacış. Bı tebo hreno dfris cala hayle d’QASAD, mawdıc d’150 Mharbone hathe mkamelın i dawra du yulfonathe u mıştawtaflın l’QASAD leşan dımdafci u camo wa dukothathe.
DAYRO ZCURO (Deyr Ezzor), Beth Nahrin — Lfuth i maqırhonutho dfriso ma Haylawotho d’Suriya Demoqratoyto, an 4 Mharbone du Mawtbo Folhoyo d’Deyr Ezzor dkıtyo noqufo d’QASAD, htifiwo me krılto d’Dacış bu qlimano dkıtyo bu madınho d’Suriya. Bnişo dmiharıri an 4 htifoye, sim athmıl cuqobo ubi harayto maxlasle u Mawtbo Folhoyo d’Deyr Ezzor an 4 Mharbonayde.
Bi maqırhonuthathe magle, dan 4 Mharbone htifiwo bu zabno dkıtwın bi nyuhto u azole l’nuqazto du hulmono bi mdito d’Ğaranij bu madınho d’Deyr Ezzor leşan u tedawi. Bebzabno QASAD huwle şudoyo, da cuqobayde di mşaynutho gıdmdawmi dlo kıloyo, hol dmımsoki a hadome d’Dacış kulle.
Me gabo hreno bu Akademi d’Sohdo Zibaq d’QASAD b’Deyr Ezzor, mkamelın 150 Mharbone i dawrathe du yulfono folhoyo u folitiqoyo, leşan dmıştawtıfi lu ağono dkobe QASAD bu garbay madınho d’Suriya. İ dawrathe kmifaşqo dilonoyto cal dsimo li claymutho mdinoyto wu mtaybo, lu iqoro d’Sohdo Abu Zaid Cabdelqadır.
A Mharbone hathe, mıdlın u yulfonano bnişo dqudri hınne dım’amni i mşaynutho da dukothathe u gawonoyith du qlimano d’Deyr Ezzor. Bıthır mu zawho du huthomo di dawrathe, gıdmıfloği a Mharbonani ba gbine du garbyo udu madınho d’Suriya leşan dsaymi u sutoro da mdinoye u dımhafdi a dukotho dımharıri.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
