Qasad rfıdle u tebo dfris u dımdace ebe d’Amerika kısaymo hboso acla bi sbutho da esore dcam Darımsuq
A Haylawotho d’Suriya Demoqratoyto, rfıdlın u tebo dfris u dımdace ebe d’Amerika kısaymo hboso aclaye bi sbutho da esore dcam Darımsuq. Bu tebo dfrıso bi dafo d’Middle East Eye mdacewo, d’Amerika mzaharla a hayle d’QASAD, du koalisyon Emwothoyo laybe dımdafıc a Mharbone en dothe d’Darımsuq dmabdıyo hçome aclaye inaqla dlo mtabqi u qyomo d’10 Odor.
SURIYA — Bi maqırhonutho dfrısle athmıl u qentrun du tbocofroso da Haylawotho d’Suriya Demoqratoyto l’North Press, mdagele u tebo dfrısla i dafo d’Middle East Eye u mawdacle, dlatyo şroro d’Amerika kısaymo hboso aclaye bi sbutho du qyomo d’10 Odor, elo a 2 gabe kıdorşi a mkone dmitabde fulhone mşawtıfe u hathe beynothaye.
Bu tebano d’Middle East Eye mdace, da mşale Amerikoye mzaharlın QASAD, da hayle du koalisyon Emwothoyo dkıtne b’Suriya, kito dlo qudri dımsaytırilın-en dothe a hayle d’Darımsuq dmbadın hçome folhoye aclaye-ida d’QASAD dlo mafıt u qyomo d’10 Odor la haye.
Malolo da hayle d’QASAD mawdacle du tebano dfris latyo şroro wu nişayde belhude dımşahlıf u renyo wi hzayto du kenşo Emwothoyo’yo. U malolo d’QASAD mırle; Amerika lo sımla hboso aclayna, tam terz dathe-mabdelan ucdo ytawyotho hathe leşan i sbutho di mşalutho hathto dgımaydina.
Amerika kobo yasifutho u ulsoyutho rabtho li ithutho d’QASAD bu gayso ruşmoyo d’Suriya u kımawdıco’ste, en dlowe mlahmonutho bu gayso ruşmoyo, kito qento di aykanoyutho di şultonutho zıttır dhurwo. Elo QASAD masro’yo dımdawım bu dialog u thnihoyo’yo mu dawro da hayle bnayqyomo uda mathlone Emwothoye dıksaymo mescoyutho bnişo dmitabıq u qyomano cam Darımsuq.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
