Qasad thimle Darimsuq i mşalutho da hçome cala nuqazyotho qariwe li mdito d’Mabuğ

MABUĞ, Suriya — Bi maqırhonutho dfrıslın athmıl a Haylawotho d’Suriya Demoqratoyto mawdaclın di şultonutho d’Darımsuq kıtucno i mşalutho da hçome haroye dsimi aclaye bi mdito d’Mabuğ. QASAD mawdacle, d’ğrobe msalhe dkıtne qariwe l’Darımsuq, sımlın athmıl hçome cala dukothathe du duyoqo dkıtne qariwe li mdito.

Cali sbuthathe, QASAD matcanle Darımsuq bi mşalutho dqaşyo mwatyuthathe u mırle; A ğrobani dkıtne cami şultonutho hçımlın cal 4 dukotho da haylaydan bi qritho d’Al İmam b’Deyr Hafır. A hayle d’QASAD jbiri dobın funoyo wa taxtuşani mdawamlın 20 qatinotho beynothaye. Ahna kımfaşqina u mhoyano dsim b’idactho u hano gzomo li mşaynutho du qlimo kule’yo.

Bi maqırhonuthathe QASAD mırle; Ahna kımatcınina Darımsuq i mşalutho du qedomano u kım’karırina da haylaydan kıtte zedqo qonunoyo dımdafci ruhaye ubi sbuthathe’ste, b’fusqono kamilo’ne. Bi sbutho du jğuşyano dıkmdawım beyn da hayle d’QASAD u da hayle d’Darımsuq, Thomas Barrack mawdacle u ğamo dıktucni calu cnufyano dıkmdawım b’Sweda ubı Mabuğ.

U mathlono Amerikoyo b’Suriya Barrack mkararle i qroytayde u mırle; U darbo ihidoyo du şroyo da qetrani, a droşe diplomatiqoye’ne dkibın huthmi u cnufyo u dmitarkıw mşaynutho kamılto bu athro. Bi mlahmonutho da hayle du garbay madınho, kiba dmihaydo Suriya u calathe, a gabe kulle klozım dmıgroşi mu cnufyo u dımqadmi lu dialog.