Qoyumo Çelik mawdacle dıgdobe funoyo la thome dıkmisım acle

Bıthır ma hjome du tboco froso d’Turkiya dkıtyo masro b’Erdoğan calu qoyumo du cameydan Tuma Çelik mıdlan mawdconutho mene bhaq di sbuthathe.

Bu mamlo dsımlan mırle ba yawmotho dıqamutheyna gıdforasno mawdconutho bhaq da hjomani dkowın b’işme calu ağuno du camo Suryoyo-Othuroyo.

Bıthır mıd ftih dacwa bhaq du qoyumo du cameydan Tuma Çelik bu parlemento du athro u dımhadır fazlake laşan dmaqimi i hasinutho dkıtle u tboco froso dkıtyo snido lu rişqutno Recep Tayip Erdoğan mşarele dhojım calu qoyumo  b’tebe dkıbci dobın zuhoro lu cameydan.

Xıd kıtyo idico meqım cısri  yawme u qoyumo du cameydan Tuma Çelik bu mamlo dsımwole bu parlemeto mırwole hul dı Turkiya lı mawdiyo bu dacbar ditha layba mhalqo dawsat du şuşoto. Kmahwe u mamlano dsımle u qoyumo calu Sayfo  trele d’Turkiya dıdco du camo Suryoyo lo tayım heş hayoyo.

Bıthır ma malaniyo dımsarhıb calu ftoho du bethdino dmitahıt fazlaka laşan dmitaqimo i hasinutho dkıtle.

Bhaq da hjomani dkowın calu qoyumo mıdlan mawdconutho mene calu darbo du telefon me Turkiya.

Bu mamlo dsımle mırle u hjomano siyasiyo u latyo cala gabe dkıtne ebe elo calu cameydanyo dıkmisım bi şahsiyeydi.  Bi sbuthathe ba yawme dıbqamutheyna gdobeno mawdconutho rwıhto lu tboco froso, u bi maqırhonuthathe gıdmawdacno athome dıkmisomi bhaq dithi u nişathe mınyo u layko i şıltonutho d’Erdoğan  kıbco dmawbılo isbuthathe.