27/02/2023

Qoyumo Ciraqoyo tlıble dmiqadım dacwa mqabıl dı Turkiya bu Mawtbo di Mşaynutho d’Emwotho Mhaydotho, mi celtho dıkqıtco a’maye

Qoyumo bu parlamento du Ciraq tlıble dmiqadım dacwa mqabıl dı Turkiya bu Mawtbo di Mşaynutho d’Emwotho Mhaydotho, mi celtho dıkqıtco a’maye mcalu Ciraq.

BOĞDOD – U hadomo di sictho di zaricutho uda maye bu parlamento du Ciraq qoyumo Rafiq Alsalihi, tlıble dmıftıh dacwa mqabıl Turkiya bu Mawtbo di Mşaynutho d’Emwotho Mhaydotho, cal dıkqıtco a’maye mcalu Ciraq ukmıştacyo bu sahmayde da maye dkıtyo mbayno lfuth u qonuno emwothoyo.

Alsalihi dkıtyo mu koalisyon d’Sadiqun, bi maqırhonutho dhule lu ajans d’Roj News mawdacle dıklozım Boğdod dmaqimo dacwa mqabıl Turkiya bi sbutho du kriz da maye, u mırle “i bsirutho di kmoyutho da maye dkıthyo lu Ciraq mu athro dı Turkiya, kımlakho u kyono, ksıhfo i mşaynutho du muklo, kçıbro a’comure d’Alahwar dımgalwın ukqışco u sawal”.

Camgabıdathe, qoyumo Alsalihi mawdacle dı Turkiya ksaymo qrobo da maye udi folhutho calu Ciraq, kıqıtco a’maye ukmashiyo u camo Ciraqoyo, wu medano ktofık u athro lafu qento di naşifutho.