Qoyumo Paylan mqadamle rmoyto cali sbutho da waqfat da qalilotho

U qoyumo du gabo d’HDP Garo Paylan, mqadamle rmoyto lu waziro di mardutho udi socurutho bi sbutho da waqfat da qalilotho, dhani şwac ışne lıkmisım ğuboye da mawtbathe.

 Bi rmoyto u qoyumo kımşayıl şuwole dkobıc funoyo aclaye, d’qay a ğuboye da waqfat da qalilotho lo kmisomi?.

İ sbutho da waqfat da qalilotho dkıtne b’Turkiya, hani zabno yarixo lıkmitahwelın fsoso dsaymi guboye u dımşahılfi a rişone aw a farsufe dkıtne ba sicotho da waqfani.

Calathe u qoyumo du gabo d’HDP Garo Paylan, mqadamle rmoyto lu waziro di mardutho udi socurutho Nuri Esrsoy u mşayele mene, qay lo kobın fsoso la waqfat da qalilotho dsaymi a guboye u dımnaqın rişone u farsufe hathe la mawtbathe?.

Paylan komır; Hani 7 eşne maklalxu a guboyani dtrelın dhowe qetre u şwole bhın ma waqfani-mınyo i celtho dıkmakletu a guboyani?

Ema gıdobitu fsoso la guboye da waqfat da qalilotho?

Hal gıdmahtitu mdabrono d’waqıf l’waqıf hreno?

Bu şıkılano u qoyumo du gabo d’HDP kıtolıb mu waziro Turkoyo, dmaqım u qetrano dıkxolıq bulbole beyn da waqfat da qalilotho dkıtne bu athro.