Qoyumo Tuma Çelik bi maqırhonutho dhule mawdacle; i şultonutho lo karixo xıdu mede dıklozım cala 2 mvayce

U gabo Demoqratoyo da came-HDP grışle u zuhoro naqla hreto cali iqartho du cameydan dkıtyo me 10 bu yarho d’Konun u haroyo u holucdo msakarto.

 U malolo du gabo d’HDP Gunay Kubilay mawdacle bi dafeyde du nawlo; İ fnitho dımvayco i iqartho d’Be Diril simo duktho folhoyto u mahıt ğnizutho cali sbutho, mawxa lıkmıfrıs tebe cala hayathe.

 Hermez u Şmuni Diril dkıtne u babo wi emo d’Abun qaşişo Ramzi Diril me 10 bu yarho d’Konun u haroyo layto tebe cala hayathe dhoyın’wo bi qritho d’Mehre dkıtyo qritho du cameydan u Kaldoyo-Suryoyo-Othuroyo.

Bi sbuthathe u qoyumo du cameydan Tuma Çelik b’HDP cam taşdaryotho mu gabo u mu rişono du Federasyo da Hudre Suryoye Ewgil Turker sımwole socurwotho l’Şırnak leşan dımşayıl cali sbutho di iqarthathe elo dlo funoyo.

Ucdo’ste u malolo d’HDP Gunay Kubilay bi dafayde du nawlo komır; Me 11 bu yarho dı şafıcina u holucdo, layto tebo cala hayathe, İ fnithathe mbayno duktho folhoyto u latyo duktho dkibın a mdinoye dhoyın eba ube bzabno mahıtlın ğnizutho calu froso da tebe dcali sbuthathe d’Diril.

Me gabo hreno u qoyumo du cameydan bu parlamento d’Turkiya Tuma Çelik bi maqırhonutho dhuwle mırle; I şultonutho lo karixo xıdu mede dıklozım cala 2 mvayce-u babo u i emo du kohno du cameydan Ramzi Diril.