Qoyumo Tuma Çelik mbare ma thome lo şrolo

Adyomo safrayto u bethdino d’Turkiya hule fusqono dı maqımlie a thome dkıtwene bhaq du qoyumo du cameydan bu Parlemento d’Turkiya Tuma Çelik.

Bi sbuthathe bi maqıblonutho dsımlan camu rişono du federasyo da hudro Suryoyo b’Turkiya Ewgil Turker mahkele calu fusqonano dmahwele da thome dkıteo bhaq du qoyumo Çelik latwene şrolo.

Adyawma ba şoce d’safrayto u bethdino d’Turkiya hule fısqono du qoyumo du cameydan bu parlemento d’Turkiya Tuma çelik dkıtyo şaryo ma thome dkıtwoa cale. Awkith a thome dkıtwo lo şarire nafiqi mawxa’ste maqım u fusqono dmahatwo acle dlaynbe nofıq larwalmu athro d’Turkiya.

Bi mawdconutho dhule u rişono d’SUDEF Ewgil Turker mahkele dmıu yawmo qamoyo kıtwolın i hzayto di sbuthathe teştcınyo siyasiwo dmarku calu ağuno da doronoye calu darbo du qoyumo Tuma Çelik.

Turker bu mamlayde hule maqırhonutho bhaq dani dsımlın mamle bişe u dımlakahlın u ağuno da doronoye nafiqi lu xalyo u mede dmırle a noşani tro hınne mikanfi dmırlın u thımlın u ağuno di hirutho du cameydan bhawxa mele.

Be bzabno bi maqırhonuıtho dfrısle u qoyumo şaryo du cameydan bu parlemento d’Turkiya Tuma Çelik mqadamle tawdiyotho la farsufe u bnaynoşo dı snıdlın u dhawilin tuxlone ebe.