Qrobo da mele beyn Washington u Mosko
Cali u ton du mamlo beyn Amerika u Rusya u mşalo Amerikoyo mırle; En Putin dlo hothım u qrobo b’Ukraina hol yawme d’Cruto, gıdmahto Amerika tedbire yaqure cal Rusya’. Bebzabno u tahlufo du rişono du Mawtbo di Mşaynutho d’Rusya Dmitrij Medvedev, mfanele athmıl u gzomo d’Trump dımşadarle tarte sfinotho dtahte da maye qariwo la thume du sforyamo d’Rusya.
WASHINGTON/MOSKO — Lfuth u rişizgado d’Amerika bu NATO Matthew Whitaker, u siqumo haroyo dmahıtwole u rişono Amerikoyo qum du bar’amnayde d’Rusya Vlademir Putin leşan dmitakle u qrobo b’Ukraina, gıdtoyım yawme d’Cruto dothe. En Putin dlo makle u qrobano, kınotarle tedbire hathe u qaşye. Whitaker mırle; Elo casqo’yo noşo dodıc mın kıfoyıt b’rişe ubi brithayde dkıtyo kayıwto udlo logik.
A tedbirani yaqurano dımbahasle Trump aclaye, calu nafto ucalu ğaz d’Rusya ucalan athrawotho kulle dıkzawni nafto u ğaz me Rusya’ne. Elo u Hınd rfıdle a gzomani d’Amerika, u kımdawım d’zowın u dımzabın nafto u ğaz me Rusya. Trump leşan dmaşqe u hbosano zıttır cal Mosko, mşadarwole bi şabtho dşafıcina 2 sfinotho du qrobo dtahte da maye qariwo l’Rusya.
U gzomano d’Trump’ste mid jıddi li ido wu Kremlin mırla; Kull noşo klozım dhowın b’zuhoro mqabıl du retorik du nukleer. U rişono catiqo d’Rusya Dmitrij Medvedev b’mele harufe mırle; Hatu’ste-awkith Amerika, ntarwo dawse hreto. Hano şuroyo’yo u cal qariwo, gıdmahtina a soruhaydan di mesafe mescoyto u rahuqto qariwo la thumaydan leşan dımdafcina Rusya. Hathe’yo i şrorutho hathto.
Cali aykanoyuthathe, u mathlono d’Trump Steve Witkoff gıdşofıc adşabtho l’Rusya leşan droşe cam Putin ubi sbuthathe u malolo Dmitrij Peskov mawdacle, dkıtne fsihoye la socurwothani dıksoyım Witkoff, elo kull noşo klozım dhowe b’zuhoro mqabıl du retorikano da zayne nukleer.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
