Nuri Kino
29/04/2022

QROYTO ŞIRKE ERİCSSON-TAZMİNAT ŞUTOSE SURİYA

A Rışwat dhula i şirke d’Ericsson du Swed la marıhbone d’dacş hawyo sbutho dıkmidroşo bu tbcoco froso. Bi mimartho dıkthiwole u gılyunoro şaryo du cameydan Nuri kino bi mğaltho d’Newsweek ktolıb mi şirke d’Ekrikson dobe zuze la şutose ducamo Suryoyo othuroyo wu camo d’Ezidoye.

29/04/2022

Bu zabno da marıhbone d’Dacş dsımwolın hcome calu garbyo u madınho d’Suriya u calu şalwo d’Ninwe u Şigur i şirke d’Ericsson du Swed hula ba mılyune da zuze xıd rışwe la marıhbone d’Dacş laşan dı qudri mafiiti a malzamat dkıtlın u dı saymi a şuğlonathe.

I şirke d’Ericsson nafıq sagiye tebe acla dkobo rışwat laşan dmaydo şuğlone b’athrawotho mşahılfe du timathe milyare.

Bhaq da rışwat dhula Ericcson la marıhbone d’Dacş  u gılyunoro şaryo u rişono d’ADFA Nuri Kino frısle mimartho yarixto bu leşono inglişoyo b’Newsweek dıg mahke b’yarixutho cala hawbe dsımla Dacş cala camo Suryoyo othuroyo u camo Yezidoye u came hrene datre athrawotho du İraq u d’Suriya.

Bi mimarthathe du gılyunoro Nuri kino kmahke calu şutoseyde dhawi mcawnono  lu camo Suryoyo Othuroyo  u Yezidoye ksoyım qrayto u komır i şirke d’Ericsson klozım dobo zuze  la şutose datre camani dkıtlın fulhone bu athro mqabıl du snodo dı snıdlın a marıhbone d’Dacş ba rişwat dhulın ale.

Lfuth i mawdconutho harayto dmatilan mu gılyunoro Şaryo komır ha sniğro mıdle esore acaye dıg mıftakır dı fotıh dacwa bhaq di da rışwani dhula i şirke d’Eriksoosn al amrıhbone dı dacş.