Radoyto qlıcla calu camo b’Barcelona (Barqo-Luna). Mçarıhı 14 farsufe

BARQO-LUNA (BARCELONA) – Mınyono dıbnaynoşo mçarhi athmıl bıthır mıd radoyto qlıcla calu camo dkıtwe larwal du wahdo rabo d’Olympia b’Barcelona d’Katalonia. İ qalıcto dkıtwa athto qlıcla i radoytayda calu camo meqım dımşare u muroyano di esfirreğlo d’La Liga beyn da 2 gude d’Espanyol u d’FC Barcelona.

U mınyono da mçarhe dıkmişahlıf me dafo l’dafo hreto, mawdıc di qalıcto dkıtyo rabtho bu cımro qlıcla i radoytayda b’xtuto fawdo du darbo b’surhobo rabo qum du wahdano di esfirreğlo. A falohe da bethkrihe baroyo azzın li duktho u nqilın a mçarhe la bethkrihe u m’akadle da çurhe’ste latne rabe aw qento. 

U polis d’Katalonia, msıkle i qalıcto bıthır mu hçomano u mabdele buhono acle. Bi harayto hiw maqırhonutho, dkıtwe hano gedşo wi morto di radoyto latwola niye aw plan dqulco calu camo elo mvayacwola u kontrol dcali radoyto. Calu gedşano’ste, u muroyo beyn da 2 gude mşawharwo 10 qatinotho.