28/07/2020

Rusya gıdbınyo cito d’Ayasofia b’Hama d’Suriya

Rusya gıdmacımro Ayasofya hathto bu athro d’Suriya. Lfuth u tebo dıfris ma mabuce du tboco froso Rusya mhalaqla i şetısto du tecmiri di cito d’Ayasofya bi mditho d’Sqebliye d’Hamma b’Suriya. Lfuth a mbahnone u tecmirano xıd hfuxyoyo mqabıl d’Turkiya.

Bu zabno da droşe u da hfuxye dkımdawmi mqabıl du şuhlofo di cito d’Ayasofya l’Masığdo, fris tebo du athro d’Rusya u Suriya cam hıdode mhalaqlın i kefo du bınyono d’Cito hathto ba thume d’Suriya.

Bu tebano kmitawmır Rusya mhalaqla i kefo di şetısto dımacımro Ayasofya hathto bi mditho Suryoyto mşihoyto Sqebliye dkıtyo bi fnitho d’Hamma d’Suriya.

Lfuth i mawdconutho Rusya u Suriya cam hıdode gıdmacımro i citathe dıgduyo i kopiya d’Ayasaofya dkıtyo b’Stambıl me kul mede mu yırwo ma ruşme u surotho dkito acla.

Ambahnone kımi u tecmirano d’Ayasofya i hathto xıd hfuxyoyo mqabıl du mede dsımle Erdoğanyo.