Rusya mawdacla dkıtla esore u awyutho camu athro du Yawnan

Bi sbutho du qatro du yamo mıscoyo dkito bayn Turkiya u lu Yawnan ucdo Rusyaste xlito eba.

Bi maqırhonutho dsımwole u waziro di Baroyutho d’Rusya Sergey Lavrov mırwole Rusya wu Yawnan kıtlın esore u awyutho catıqto camıhdode. I maqırhonuthathe maqharwola Turkiya komır u tboco froso dı Turkiya.

Bi sbuthathe Turkiya tacyowa du Yawnan kıtle S 300 d’Rusya xıd zayne du sutoro dımqabıl da soruhe u bebzabno Rusya hawyowa mcawnonitho ba zabne dmeqım ğalabe naqat lu Yawnan.

U waziro di baroyutho d’Rusya bi maqırhonutho dhule bu yawmo şatonoyo dkıtyo 6 bu yarho d’İlul dımşatsi a esore qamoye bayn latre athrawotho bi şato da 1828 mırle, Rusya wu Yawnan kmotın a esorathe lzabne catiqe u kıtlın qulnaqa esore cam hdode u kıtlın awyutho cam hdode.

Bıthır mi maqırhonuthathe amşale Turkoye mahwelın hfuxyo u mırlın hathe latyo maqırhonutho dıkxıdmo a esore dkıtla Turkiya cam Rusya.

Bıthır mi maqırhonuthathe u waziro di baroyutho d’Rusya Sergey Lavrov mawdacle du athreyde hadiroyo dsoyım mıscoyutho du şlomo bayn Turkiya lu Yawnan u l’Qufrus. U bebzabno mawdacle dcal zabno karyo gıdsoyım socurutho l’Qufrus du Yawnan.

Mu gabo d’Turkiya kmifaşqi a maqırhonwothani xıd snodo lu Yawnan u li Gozarto d’Qufrus du Yawnan.