Rusya tlela u mınyono da mithe di Corona

Magle, du mınyono da mithe mu virus di Corona b’Rusya, ğalabe cleytır mu mede dmawdıc bi ruşmoyuthoyo.

 Rusya holucdo mawdco’wa 79 alfo nqili ma haye mi Corona, elo lfuth sfaryawmo Rusoyto, u mınyonano bi şrorutho 480 alfo bnaynoşo’yo.

A hşowe ruşmoye d’Rusya, kmıfrosi mi daira Rospotebnadzo dıkmawdıco dhol 79 alfo bnaynoşo, mvayaclın a hayathe mu virus di Corona bu athro. Elo i şırke da istatıstike d’Rusya Rosstat maglela, du mınyonano bi şrorutho 358 alfo bnaynoşo’yo. Bu şıkılano, hawyo Rusya-u athro qamoyo b’britho dımvayacla bnaymothoye lu pandemiano-lfuth u mınyono da comure dıkhoye b‘Rusya.

İ mcadronitho du rişwazire d’Rusya Tatjana Golikova mawdacla, d’31 ba mo di mithe ba 2020, i celtho du virus d’Covid-19’we-awkith 111 alfo bnaynoşo. Elo u mınyono ruşmoyo dıkmişadır kull naqla me Rusya lu tukoso Emwothoyo du Hulmono, 80 alfo’yo.

Awkith u mınyono da mithe lıkmişahlıf. B’Amerika nqil 0,17 ba mo ma haye mu virusano u b’Rusya u mınyonano tre qatat’yo, awkith 0,33 ba mo du camo. Bu rbico da 2020, maqşanwo a tedbire ba dukotho dım’athriwo bu zyodo b’Rusya ubu maşıqlo trayono du pandemiano dhawi ba teşıryotho, maxıfiwo a tedbirani. Rusya kıtla’ste u vaksin d’ruha-Sputnik V, dıkmifaşıq dkıtyo effektiv-mawthrono 91, 6 ba mo.