Sami Baydar dkıtyo mu cameydan mraşahle ruhe la ğuboye gawonoye d’Almanya

Sami Baydar dkıtyo ha ma abne du cameydan kımdawım bi kampanyeyde da ğuboye gawonoye du athro d’Almanya.

Baydar dha ma nişeyde siyasi dcıwıd li hirutho du cameydan bu athro d’Bethnahrin kmaşmıc qole cali sosyalmedya ba şatnde dıg soyım u be bzabno kobe turgome u mawdconwotho mşahılfe lu camo.

Sami dımraşhle ruhe mu gabo d’MLPD la ğuboye du parlemento du athro d’Almanya kımdawım dmaşmıc a nişe dkıtle en dhowe qoyumo bu parlemento d’Almanya mın gıdsoyım lu cameydan u la came hrene dkıtne dişe.

Bayn da fulhone dkobıc soyım u mraşho Suryoyo  bu parlemento d’Almanya dımtalıb i hirutho du cameydan b’Bethnahrin u dmitahwın a zedqeyde ba falqe du athro dıkhoye ebaye.

A fulhone di kampanya dıksoyım u mraşho Suryoyo Sami baydar dkıtyo hfito ba fulhone folitiqoye kobe turgome bhudre u dukotho mşahılfe, bi sosyal medya u bu tboco frosete kmaşmıc u qoleyde u du gabeyde MLPD.

Be bzabno hın ma mfaşqone du gabo u nahire kımmi u tboco froso d’Almanya lı kobe yuqro lu gabathe elo fsihoyene du froshızwo d’Suroyo tv dıg forıs a tebe du mraşho Sami Baydar.