Sim knuşyo trayono leşan i awyutho da şutose frişe du camaydan
A şutose wa citotho du camaydan u Kaldoyo Suryoyo Othuroyo Oromoyo Malkoyo uda Rom dkıtne d’Fransa, mtayablın u knuşyathe u trayono b’Paris. Bu knuşyano dkle cala hçome dsimi cala citotho b’Suriya, mid fusqono dmitayıb taklitho bıthır ma yarhani du qayto.
PARIS — Hani zabno a gabe, tukose u şutose folitiqoye, marduthoye u tawdithoye du camaydan bu athro ubi golutho, mabdelın hamle d’ytawyotho leşan dımqarwi a renyathe u d’motın l’şıkıl d’awyutho, bnişo dnufqi moro li sbutho du camaydan.
Bi ariskoyto d’Fransa Paris, layimi athmıl naqla hreto a citotho wa şutose frişe du camaydan; Kaldoye Suryoye Othuroye Oromoye Malkoye uda Rom l’knuşyo trayono, leşan dorşi darbo d’fulhono mhaydo mqabıl da casqotho u qetre dıkm’athri calu camo.
Bu knuşyano’ste a citotho wa şutose du camaydan mıdlın fusqono, dımtaybi taklitho mşawtafto b’Paris bıthır mu qayto leşan dnufqi moro li sbutho du camaydan ula zedqayde u dilonoyith dmahwın u hfuxyathe mqabıl da hçome dıkmisomi cala Mşihoye ucala citothathe b’Suriya.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
