BNOYO 9 MADRAŞYOTHO HATHE B’TEL TEMIR

I mdabronutho da madraşyotho d’Tel Tamır ubi sdirutho di sictho di tarbitho udu yulfono du qlimo di Gozarto d’Suriya, sımla u futoho d’menyono d’madraşyotho ba qıryawotho dhzelın a madraşyothathe husrono bi netiçe da hçome dsımle u gayso kaboşo d’Turkiya aw bi netiçe da hçome dsımlın a marhıbone d’Dacış cal Tel Tamır ba 2015.

Calathe, i sictho di tarbitho udu yulfono du qlimo di Gozarto, markawla qeloyotho b’şıkıl d’madraşyotho ba qıryawotho; beynothaye; Tel Nasri, Tel Alrumman, Um Almasamir, Bab Alxer, Mansaf Foqani uğer. Ubebzabno mhathıtho i madraşto di qritho d’Tel Mağas d’shifowa ba hçome d’Dacış calu Xabur.

I rişonitho zawgoyto di mdabronutho da madraşyotho d’Tel Tamır Bahiya Mammo, bi maqırhonutho dhula, mawdacla da madraşyotho dsim u futohathe du maşıqlo şarwoyo’ne, ulfuth u menyono da comure da qıryawotho, kull madraşto ma 9 ksaymo baytoyutho l’100 uhul 300 yolufe u yolufyotho.

Lfuth u statistik haroyo di mdabronutho da madraşyotho, u menyono da yolufe da maşıqle mşahılfe d’Tel Tamır kmote ucdo l’4 alfo u 738 yolufe u yolufyotho. Ukito ste 2 alfo u 262 yolufe u yolufyotho hrene dhrimi mu zedqathe du yulfono, mi celtho da hçome dsımla Turkiya wa marhıbonayda cali fnitho.

9 bu yarho d’Teşrın u Qamoyo da 2019, bu hçomo sımwola Turkiya wa noqufayda kbışwolın i mdito d’Rişcayno u menyono ma qıryawotho dcalu thumo d’Tel Tamır. Bi netiçe du hçomano, ba alfayo d’comure mgalwewolın ma dukothathe, u shıfwo menyono celoyo d’madraşyotho.