Sim taglitho mqabıl dı 102 eşne dı tenkiro mu qyomo dı Lozan
Gabe, tukose u şutose da came frişe dıkhoyın ba falqe d’Bethnahrin, hadiri athmıl 26 bu yarhano qum du bınyono dımde’wo ebe u qyomo d’Lozan b’Swira 24 bu yarho d’Tamuz di şato dan 1923. Bu qyomano dhawile mo u tarte eşne, mhewo dharbo lu camaydan ula came hrene u calathe, mahwelın a mıştawtıfone u hfuxyathe lu qyomano.
LAUSSANNE, Swisra — Bu duxronano da 102 eşne du qyomo d’Lozan-dımdewo 24 bu yarho d’Tamuz dan 1923, dhawiwo celtho dmitankır u camaydan wa came hrene b’Bethnahrin, mtayıb athmıl taglitho b’Lozan u griş u zuhoro du kenşo Emwothoyo, da camani lo tacın u qyomano dmahramlelın ma zedqathe a umthoye u tawdithoye b’Lozan.
U slogan di taglithathe mahıtwo; Lo kmitaqbıl u qyomo dmeqım 102 eşne dmankıri ebe a came d’Bethnahrin. Bu tarano mınyono ma hadome u mothonoye du Mawtbo Umthoyo d’Bethnahrin u acmaye Suphi Aksoy mi Sictho di Rişonutho d’MUB wu noqufe du Huyodo Suroyo d’Urifi, mıştawtaflın li taglithathe.
A gabe u şutose hadire mawdaclın, mcal fothe di lo kinutho makthabzabnoyto dsimo aclaye, lıkmawdın bu qyomano u krıhlın a siyasat tuhmonoye, faşist u mankırone dsimi aclaye. Cal ışme d’MUB sımle Tuma Çelik mamlo u mırle; Bu qtolğenso dan 1915, ubu qyomo d’Lozan, mahıt nişo dmılhoyo i ithutho umthoyto, kenşoyto, marduthoyto makthabzabnoyto, momunoyto wi hiyoyutho du camaydan.
Çelik mırle’ste; A came d’Bethnahrin, klozım dmaydi ruhaye asas u dobın ağono bkull haqlo u bkull plattform leşan dqudri bu sebyonathe dqumri statu u hınne dhowın mbaynone du dactithathe. Bebzabno Abuna qaşişo Michael Aziz-u kohno di cito d’Mor Abrohom b’Swisra hadır bi taglithathe ubu mamlayde kali calu hboso di qutnutho d’Turkiya, i siyase du tenkiro udu lhoyo du camaydan u Suryoyo u aydarbo sxiriwo a madırşyothayde u mnıce u leşonayde.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
