Sim taglitho mqabıl d’Skott Morrison cal lo mawdele bu qtolğenso

U camaydan, an Armınoye wa Pontus Yawnoye, sımlın athmıl taglitho du protesto ba mdinotho d’Sidney u d’Melbourne d’Australia

İ taglithatheste simo mqabıl du rişwazire Skott Morrison, cal dlo mawdele bu qtolğenso dsımwo cala 3 camani mi mamlaxtho da Cuthmanoye ban 1915.

Meqım tre yawme, sımwole u rişwazire d’Australia Scott Morrison mamlo bu duxrono şatonoyo du qtolğenso dan Armınoye. Elo bu mamlayde Morrison lo mıstacmewole i meltho du qtolğenso u calathe athmıl, mtayıb taglitho ba mdinotho d’Sidney u d’Melbourne u tlib mene dımşahlıf u renyayde.

İ taglithathe mtaybo mşawtıfo man abne du camaydan u Suryoyo-Othuroyo dıkhoye b’Australia, man Armınoye uma Yawnoye dıkhoyın bu athro wu slogan da 2 tagliyothani dsim ba zabuqone d’Sidney Town Hall u Federation Square b’Melbourne mahıt; Halxo leşan i Kinutho.

Ba tagliyothani dsim mamle frişe mawdıc’ste; Bu yawmano dgımawde u rişono d’Amerika bu qtolğenso dan Armınoye-tro lo mıtce u qtolğenso dsımwo cala Yawnoye u Othuroye’ste. Hol 3 milyone dıbnaynoşo ma 3 camani nhiri bidothe dan abohotho da Turkoye. 20 senatore u folitiqore d’gabe frişe d’Australia tlıblın mi şultonutho federaloyto dmawdıyo-qay lıkobıc Morrison dmıstacmıl i meltho du qtolğenso?