Sim taklitho lu duxrono du Sayfo da1915

A hayle mşawtıfe da came demoqratoye bu athro d’Swisra, mtayablın taklitho lu duxrono du Sayfo di şato da 1915 qum du bınyono du rişizgadutho d’Turkiya dkıtyo b’Zurich d’Swisra.

U hadomo d’ESU Samir Özmen qrele u buyono du Mawtbo Umthoyo d’Bethnahrin calu Sayfo dan 1915wa dyoşe hrene dkowın mqabıl du cameydan.

Bi taklithathe dsimo qum du bınyono di rişizgadutho d’Turkiya dkıtyo b’Zurich d’Swisra, sim mamle u mhalıq slogano bnişo dmitawde bu Sayfo du camo Suryoyo Othuroyo udu camo Armnoyo u Pontusoyo.

Bi taklithathe dımtaybo lfuth a tadbire di Corona, mıştawtaflela farsufe ma came demoqratoye d’Turkiya, leşan dmahwın u hfuxyathe mqabıl du qedomo d’Turkiya la came-mu zabno du Sayfo hol adyawma. U hadomo d’ESU Samir Özmen qrele u buyono du Mawtbo Umthoyo d’Bethnahrin dfrısle bu duxrono du Sayfo dsimi cala came Mşihoye şerşoye du athro.

Bebzabno cal ışme da hayle mşawtıfe da came, sim mamlo u tlib me britho u dilonoyith me Turkiya, dmawdıyo bu Sayfo dsımla i mamlaxto Cuthmanoyto cala came Mşihoye u dtıryo ma hçome dıkmdawmi cala came di duktho.

Athmıl ba şoce d’casriye mqadam turgomo calu darbo du nawlo ma hayle da came demoaqratoye mşawtıfe, dmıştawtaflele u hawreydan Yawsef Bethturo dmahkele calu Sayfo dhawi calu cameydan u cala came Mşihoye hrene.