25/04/2021

HSA mşadarle egrotho la mşale Turkoyo bi sbutho du dayroyo Aho Bilecen

U Huyodo Suryoye d’Almanya-HSA mşadarle tarte egrotho l’tarte ma wazırwotho d’Turkiya, leşan dmitaqimi a thome dkito bhaq du dayroyo Aho Bilecen.

HSA ba egrothani kıtolıb da wazıryotho mqadmi b’hasayiye li sbuthathe kımmi aha xıd barmothoye du athro dıkhoyina bi golutho kohzina u dayroyo kıtle nafşo nahirto u yadocoyo u b’iqoroy.

HSA a egrothani mşadrile li wazirutho di baroyutho d’Turkiya uli wazirutho di kinutho leşan dmitaqimi a thome dkito mqabıl du dayroyo Aho Bilecen. Bu şuroyo da egrotho HSA komır; Ahna xıd Suryoye dkıtna barmothoye d’Turkiya, dıkhoyina b’Almanya wa Suryoye dmıdlın i barmothoyutho d’Almanya, kthuwlan a egrothani la wazırwotho Turkoye.

I celtho du kthowo da egrothani d’kthiwilan, kımcaqbina i sbutho du dayroyo Aho Bilecen dıkmdawım ba bethdine d’Turkiye u d’hkim b’thome di marıhbonutho.

Ahna kıbcina dmawdcina u dayroyo Aho, farsufo tawdithoyo myaqro’yo, u kmidıc bi haymonutheyde u dkıtle yulfono b’darğo celoyo.

HSA mırle; U dayroyano kıtle duktho u iqoro rabo beyn du camo Suryoyo. U kıhoye haye di cınwoyutho bi dayro d’Mor Yahkub d’Qarno. Lfuth u mede dahna kudcina, a thomani dıkmisomi mqabıl dide latne trise.

U dayroyo Aho Bilecen lfuth a qonune wi kinutho d‘Turkiya kımhalıx. Mawxa kımcaqbina i sbuthathe bğamo rabo, u kmıtyaqnina di waziruthatxun kımqadmo b’hasasiye li sbuthathe, u kınutrina dmitaqrıh dlo sımle hawbo mede. Knutrina dmisim u mede towo dıklozım.

Check Also

U şutoso d’Olaf Taw frısle buyono lu ray gawonoyo du camaydan

U şutoso d’Olaf Taw bu buyono dfrısle adyawma lu ray gawonoyo du camaydan, mawdacle dhın m…