Sim u duxrono la Sohde d’Simele bu kongre d’Amerika

WASHINGTON — İ dafo d’Rudaw frışla adyawma duktho ba tebayda, calu duxrono qamoyo dıkmisım la Sohde du qtolcamo d’Simele bi kongre d’Amerika. U duxronano’ste sim bu zabno dımqarawle u yawmo şatonoyo du qtolcamano dsımwole u rejim catiqo du Cıraq ban 1933 cala qıryawotho du camaydan u Othuroyo bi fnitho d’Simele.

Bu duxronano d’snid mu hadomo di kongre d’Amerika Abe Hamadeh ubi mıştawtıfonutho d’mınyono man abne du camaydan u mathlone mi şultonutho du qlimo d’Kurdistan du Cıraq. U mşatsono du şutoso d’Othuroye leşan i Kinutho, Sam Darmo mawdacle, dhathe inaqla qamayto’yo dıkmitathkır u duxronano bi kongre wu duxrono mtayıb bu snodo d’Hamedeh leşan dhowe mawdyonutho bu qtolcamo d’Simele.

Bu duxronano mahke calu qtolcamano dsimwo mu rejim catiqo du Cıraq beyn 7 uhol 11 bu yarho d’Ob bıthır mıd hçımwole cal 63 qıryawotho du camaydan bi daşto d’Ninve ubı Nuhadra u qtılwo hol 3 alfo man abne du camaydan. Bebzabno hasyo George Toma d’İllinois sımle mamlo u mırle; U camaydan huwole a hayayde qurbono leşan i haymonuthathe, li ithuthathe uli yortuthathe.

Bu dawrayda Sara Hormuz dkıtyo athto hfıto ba zedqe noşoye, sımla mamlo calu makthabazabno du camaydan ucala qtolcame dsimi acle wu mrodo dhuwle kull naqla ba hayayde u mırla; U camaydan qawyo’yo-wi mdinoyuthaydan lo mayitho, cal d’ahna ha ma came etnikoye catiqe d’Bethnahrin’na.

Minister @SafeenDizayee welcomed the Assyrian American delegation—Sam Darmo, Auger Malik Ismail, and Sarah Hurmez—to the KRG Representation and joined the Assyrian Martyrs Day commemoration at the U.S. Capitol. We honor the deep historic ties between Kurds and Assyrians and look… pic.twitter.com/MxQEWqA7GZ

— KRG-USA (@KRG_USA) July 22, 2025