Sohdo hmişoyo mu cameydan bu qrobo d’Armenya

Bu qrobo dkımdawım bayn Armenya u Azerbaycan u cameydan dıkhoye b’Armenya kobe sohde cal dhiyeste kımdafıc calu athro d’Armenya xıd folhe du gayso Armnoyo.

 Lfuth i mawdconutho harayto dmatilan mu qlimo u sohdo hmişoyo ma abne du camaydan nqil ma hayani bu qrobano.

Mu zabno dımşarele u qrobano bayn Armenya u Azerbaycan u cameydan dıkhoye bu athro d’Armenya mawdacwole dkıtyo sanodo lu athro mqabıl d’Azerbaycan dıkmidabır me Turkiya.

A clayme du cameydan dkıtne bi folhutho u bebzabno hın ma claymeydan hıne mbayanlın ruhaye dızzın lu qrobo mqabıl d’Azerbaycan.

Bu tebo haroyo dathilan me Armenya uclaymo Avdişo Yuxanna bcımro da 19 ışne mati lu darğo di sohdutho u hawi u sohdo hmişoyo du cameydan bu qrobo dımqabıl d’Azerbaycan bi fnitho d’Nagurno  Karabağ.

U cameydan u Othuroyo Suryoyo dıkhoye b’Armenya kowe sanodo bu qrobano metul dıkmahıs du athro d’Armenya trisoyo bu qrobo dkobe laşan ihirutho u işaryutho di fnitho d’Nagurno Karabağ.