Armenya mqadamla dawca lu bethdino d’Denhax mqabıl du athro d’Azerbejan

Armenya mqadamla dacwa lu bethdino dı Denhax mqabıl du athro d’Azerbejan.

Yerivan bi dacwathe, ktıhmo i şultonutho d’Bako dsımla gunhe u dyoşe cala n’Armınoye calu asas di ğensoyutho.

Armenya mqadamla athmıl dacwa lu bethdino d’Emwotho Mhaydotho dı Denhax mqabıl du athro d’Azerbejan, uktıhmole dsımle dyoşe bhaq da bnaymothoye Armınoye calu asas di ğensoyutho, baynothaye a’gunhe wa qrobe dsımiwo bi qrobo di şato dşaficina bu qlimo d’Qarabax.

U bethdino dı Denhax bu buyono dıfrısle mırle “Armenya kımmo d’Azerbejan hani ba casrowat d’ışne ksoyım furşono ğensoyo mqabıl da n’Armınoye. ubi netiçe di siyase d’Azerbejan dkıtyo rakuto cali bceldboboyutho da n’Armonoye, sim bhaq dıththe frişutho gawonoyto, qtolcame, teşniqe u dyoşe hrene”.

Yerivan bi dacwayda kmawdıco d’Azerbejan dışla u qyomo d’Emwotho Mhaydotho di şato da na’1965 dıkmonıc kul şıkıl di frişutho tuhmonoyto, u kmathkıro da dyoşani daciri liholo naqla hreto bu yarho d’İlıl di şato da 2020 bıthır ma hçome d’Bako calu qlimo d’Qarabax.

Bu qrobo d’Qarabax ba Tışerın dşaficina, qtılwo zıd m’6 alfo u 500 farsufe Armınoye u Azerbejanoye.