Suryeyto mu cameydan mhasyo mu virus di Corona

U tebo hreno mahişono dkit calu virus d’Corona u farsufo qamoyo mu camaydan nqil ma hayani mu kewo du virus d’Corona.

 Hıdo athto dcımra 86 ışne mi fnitho d’Tensta du Swed, bıthır mıd tafiwola u kewano, nqilo ma haye.

 Bi canaze dhawyowa meqım bıtre şabe bi fnitho d’Tensta kmahwe hın ma farsufe dmıştawtafwolın tafilin u kewo di Corona. İ canazathe dkıtwa dha  claymo dı qtılwo b’Stockholm bi qale dı nafıqwo bayn ele u la hawroneyde a noşe dı latimiwo u d’hadiriwo bı cınaz mahwe dı tafilin u kewo di Corona.

Lfuth u tebo dmıdlan hıdo athto mu cameydan dkıtwa cımra 86 ışne bıthır mıd tafila u kewano nqilo ma hayani, bi mawdconutho dmıdlan mawdıc di mnohto kıtwola kewe hrene me meqım, be bzabno hıdo athto mu cameydan dkıtwe cımra 91 bıthır mıd tafila u kewano di Corona nayıhla mene.

Farsufo hreno dıkmitıftakır dı tafile u kewano bu zabno dkıtwe bi caza ucdo ba bethkriheyo wi aykanoyuthetyde latyo tawto kmawdıci a osawotho. Bi sbuthathe  kımo farsufe tafilin u kewo di Corona latyo idico, elo ha mede nafıq li holo inaqa da bnaynoşo lıtmi lıhdode kibe tofelın u kewano camhıdode mawxa kmizahır du camo lo lotım lıhdode ğalabe.