Mjarbo imhato qameyto dmofqo mqabıl du virus d’Corona

Amerika mawdacla dımşarela bu nesyuno, bu jerobo di mhato qamayto mqabıl du kewo du virus d’Corona.

 U nesyunano dfrıslın bu tbocofroso, kmahwe aydarbo u osyo kmohe i mhato qamayto bı katfe dıhdo athto.

Bıthır mi mawdconutho dhuwole u rişathro d’Amerika Donald Trump dmırwole cal qariwo gıdmawdıcina i mhato qamayto dımqabıl du kewo du virus di Corona adyoma mawdıc bıthır me nesyuno dcama haywotho adyoma mşarele u nısyuno qamoyo di mhatathe dkiba huyo i mharonitho da haye d’ğalabe bnaynoşo mu kewano dı mahatle britho kula bi zuctho.

U şutoso dkıtyo ışme u enstetut da buhone d’kaiser Permanent d’Washington mnasele i mhato qamayto cam hdo athto dkıtyo cımra 43 ışne Jennifer Hallar  dımqadamla ruha dmisım acma u nısyunano. Bu mamlo dsımla Haller mırla u medano ksaymale eli la nacimeydi u li noşutho kula hathe fırsa dı layt taw menayo.

Bıthır mu tebano mawdıc d’farsufe hrene mşaxaslın mawdaclın ruhaye dmisım u nısyunano da mhatani acmaye. Bıthır mıd mşarelın a nesyunani u malaxlın tawo inaqayo amhatani gıdmifrosi bkul duktho en u timathe dlowe ğalabe u bıthır mitahwın belhude lani dkıtlın zuze u lo la noşe dkıtlın sniqutho.