Şutoso d’Neşe Ezidoye kotılbı dmitıctarıf ba gunhe du qatlo udu htofo dhawın b’Şigur bi şato da 2014
Bu zabno dımqarawle u duxrono da 11 ışne du qtolcamo d’Şigur bu garbiyo du Ciraq, u zawco di hirutho di athto Yezidoyto mşadarle egrotho ruşmoye l’19 athrawotho dıbritho, dıktolıb ebaye dmitıctarıf da gunhe du qatlo udu htofo dhawın b’Şigur bi şato da 2014 kşowın l’gunhe du qtolcamo dsim bhaq du kenşo Yezidoyo.
ŞIGUR, Beth Nahrin — I sictho deblomasi du zawco di hirutho di athto Yezidoyto, bi egartho dımşadrola l’19 athrawotho dıbritho, mawdacla bi netiçe du qtolcamo dsımlın a’grube marıhbone dı Dacış 3 bu yarho d’Ob bi şato da 2014 bi fnitho d’Şigur, qtil u htif u mgalwele ba n’alfowat d’Yezidoye dkıtne bi sagiyutho neşe u nacime.
I sictho bi egarthayda grışla ste u zuhoro cal 2900 farsufe di sagiyuthaththe neşe u nacime hul adyawma heş mvaycene, ukito ste ba casrowat d’bethıqbure mkanşe dheş lıftihi hul ucdo.
U zawco di hirutho di athto Yezidoyto makadle ste dımtayable dosya kamılto dkiba tahwiyotho u ithbate dkım’akdi du mede dhawi b’Şigur bi şato da 2014 kşowe l’gunho du qtolcamo lfuth a’qonune wa prensibe emwothoye. U zawco bi egarthayde grışle ste u zuhoro cal 14 athrawotho dmıctaraflın hul ucdo bu gunho du qtolcamo da Yezidoye d’Şigur.
Baynothaye Fransa, İtalya, İspania, u Sin u Ewmotho Mhaydotho, u egartho du zawco di hirutho di athto Yezidoyto tlıbla m’19 athrawotho dıbritho dmawdın bu qtolcamo dsim cala Yeizdoye d’Şigur.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
