SWED: U Huyodo Othuroyo da Neşe mhagele u yawmo şatonoyo da arbci ışne di mşanutheyde
U huyodo othuroyo da neşe bu athro du swed mhagele u yawmo şatonoyo da arbci ışne di mşanutheyde b’Hallunda du Swed. Bu hagano cam gabe da mamle dsimi wu zmoro wa raqde dmahwın fris u kothobo dıg mahke cala arbci ışne du huyodo dımhadır mi kothubto Anna Malle.
HALLUNDA, Swed – U Huyodo Othuroyo da Neşe mşataswo ba ışne qamoyo di golutho du cameydan lu athro du Swed laşan i şawyutho du kenşo u dmisim fulhone mşahılfe calu darbo du ğınzo da neşe. Athmıl yawme d’şabtho mhagele u yawmo da arbci ışne di mşatsonutheyde bhago catiro dsim ebe mamle maşmıc musiqi u raqde marduthoye elo i sbutho yaqırto du yawmano u kthobo dımhadır mi kothubtho Anna Malle dıg mahke cala 40 ışne da haye du huyodo othuroyo da neşewe.
U haganno dımhadarwo bi şawtho d’Hallunda du Swed ba mamle dsimi mahke cala nişe dkıtle u huyodo wi rişonitho Zekiye Cansu bu mamlo dsımla mqadamla tawdiyotho la neşe kule dhawilin tacbo ba fulhone du Huyodo Othuroyo da Neşe.
Bıthır ma mamle mcazmo i kothubtho Annna Malle dı mahkela calu kthowo dsımla cala fulhone du huyodo othuroyo da Neşe AKF.
Bıthır hiw darbo l’neşe mşahılfotho dkıtlın wolyotho b’darğe mşahılfe bayn du kenşo du athro du Swed xıd Midin Malle dkıtyo ositho b’darğo celoyo Sonya Aho gılyunoroyto u xeyr neşe hrene du cameydan.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
