ŞIGOR: u gayso d’Ciraq maklele taglitho da Ezidoye
U gayso Cıraqoyo, maklele i taglitho dsımlın a Ezidoye mqabıl du şuro dıkbone u Cıraq beyn du thumo d’Şigor udi Gozarto d’Bethnahrin d’Suriya. Bi taglithathe, abici a Ezidoye d’tulbi mi şultonutho d’Boğdod dmaklıyo i siyase dıkmaşyo mqabıl d’Şigor.
Athmıl ba mowat d’Ezidoye u Caraboye d’Şigor mhalaxe lafu thumano bnişo dmaklın u bnoyo du şuro beyn d’Şigor wi Gozarto. Mawdıc da folhe Cıraqoye lo trelın da mtagliyone dımqarwi li duktho u gzımlın i claymutho Caraboyto dmıştawtıfo li taglithathe.
Bi taglithathe’ste abıc u camo dmahwe ilo thnihuthayde mqabıl du bnoyo du şuro dıkmıbne calu thumo dbeyn d’Şigor udu garbay madınho d’Suriya. A Ezidoye dkıtwın azole lafu thumo, maklın mu gayso Cıraqoyo. Camgabe du şuro, gıdmitahıt’ste Teel celoyo 5 kilometre bıgawe d’Şigor.
İ taglithathe da Ezidoye simo mqabıl di siyase dıkmaşyo i şultonutho du rişwazire Mustafa al Kadhımi mqabıl d’Şigor u mawdıc, di siyasathe du bcelıdbobo kmisomo bu snodo di KDP leşan u kboşo di fnitho udu camo Ezidoyo. Elo a mtagliyone kımdawmi a hfuxyathe wa mşale da Ezidoye uda Caraboye mabdelın droşe camu gayso calu qento du bnoyo du şurano.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
