Taşdarto me ESU u ZOWAA u ADO laqyo u izgado du Cıraq bi Frankfurt leşan da guboye gawonoye du Cıraq
Taşdarto ma mathlone d’tlotho gabe frişe du camaydan b’Almanya, sımla socurutho li izgadutho du Cıraq dkıtyo bi mdito d’Frankfurt. Bi socuruthathe, maslamla i taşdarto du camaydan egartho li izgadutho Cıraqoyto bi sbutho di kvota da Mşihoye, uda Cıraqoye di golutho’ste dmitahwelın mkono dobın u qolathe ba guboye gawonoye du athro.
FRANKFURT, Almanya – A guboye gawonoye du Cıraq kmıntır dmisomi adşato 11 bu yarho d’Teşrin u haroyo bnişo dmibayini a 329 hadome du parlamento. A qoyumani’ste bıthır gıdmnaqın u rişqutno hatho du athro u gıdm’aydi u neqoyo d’rişwazire hatho. Hani zabno’ste u komisyon celoyo u şaryo da guboye, mabdele u maşıqlo du qeyodo da gabe, folitiqore uda koalisyon li mraşhonutho da guboyani.
U kontenjan dımbayanwo la Mşihoye bu parlamento du Ciraq kmişakıl me 5 kursiye. Meqım mathe ste, a gabe u tukose folitiqoye du camaydan dkıtne hadome bu koalisyon d’Athra, mqadamwolın talab li şultonutho du Ciraq, dhowe u quwolo dcalu kontenjan da Mşihoye belhude masro bu camo Kaldoyo Suryoyo Othuroyo, bnişo dmisım u garanti dhowele u camaydan mathlonutho şarirto ubı kinutho bu parlamento du Ciraq.
Cali klaytathe da gabe folitiqoye du camaydan bu Cıraq, taşdarto ma mathlonathe b’Almanya, sımlın athmıl socurutho li izgadutho du Cıraq dkıtyo b’Frankfurt. İ taşdarto dmaslamla egartho li izgadutho Cıraqoyto mşaklo mi mathlonitho d’ESU b’Giessen Merame Budak, mathlone d’Zawco Magdalena Odişo u Aşur Odişo ume ume ADO’ste hadır İsa Mescut mains-Wiesbaden. Ba droşe dhawın cami izgadutho’ste, a mathlone da gabe du camaydan mkararle cali ulsoyutho di mathlonutho folitiqoyto du camaydan bu Cıraq.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
