Tebe b’qfisutho

The Guardian frisle video cala hawbe du qrobo du rejim d’Suriya: İ sfaryawmo Britanoyto d’The Gardian, frısla video dıkmagle cal qtolcamo dsımwole u ferco da istixbarat folhoyo d’Darımsuq cal saqıbloye d’Suriya ba 2013. Bu videano kımahwe ha ma rabayhaylawotho du rejim d’Suriya, dıkmarıs buğre cal 41 gabre u bıthır mathe kımawqıd a şladathe.

Mor Bşara Bıtrıs Alraci mistaqbele 3 taşdaryotho: İ qadişutho du fatıryarxo di cito Suryoyto Marunoyto Mor Bşara Bıtrıs Alraci, mıstaqbele taşdaryotho mşahılfotho dıkmişakli me rişizagde Caraboye u rişone d’şutose yulfonoye udi tagorutho. Ba ytawyothani drişo i aykanoyutho gawonoyto d’Lebnon wa krize qaşye dıkcoyış u athro.

72 milyone Dollar snodo mi Scudiye l’Lebnon: İ mamlaxtho di Scudiye ubi methcadronutho d’Fransa, mdela qyomo du fhomo leşan u snodo momunoyo d’Lebnon. Me gabo hreno, taşdaryotho ma botaydino d’Urifi gıdsaymi socurwotho l’Lebnon, leşan dmıştawtıfi la buhore dgımisomi cali dacwa dkito mqabıl du rişono du bank qentrunoyo d’Lebnon Riyad Salame.

Taşroro cala hawbe d’Turkiya b’Afrin: U qentrun dıkmthabıt a dyoşe dıkmisomi bu garbiyo d’Suriya, mawdacle da grube mzayne dıkmısnodi me Turkiya, kımdawmi hulucdo dhıtfi u dmıski a mdinoye di fnitho. Bu buyono dfrısle u qentrun, kmıgrış u zuhoro calu mınyono da gunhe du htofo uda qatle dzayidi bi fnitho d’Cafrin.

Mşalonitho EM-zuhoro aykanoyutho Suriya: İ mcadronitho du notarrozo gawonoyo d’Emwotho Mhaydotho dcala sebwotho noşoye Joes Messoya, mzaharla dkito qento dmişahılfo Suriya l’kriz dgımıtce, u makadla dkito bu garbay macırbo d’Suriya zıd me 40 mılyune dıbnaynoşo dkıtne sniqoye l’mcadrınwotho noşoye.

Hçome Dacış b’Lebnon u Ciraq: Sim hçomo cal qentrun du gayso Lebnono’yo, bi dacwa du qatlo d’ha ma marıhbone d’Dacış dıkmıkraxwo acle. Ubu Ciraq’ste, a hayle di mşaynutho msıklın u mşalo catiqo da maşıryotho d’Dacış bi hiğmonutho d’Ninwe.