Tlib mi şultonutho Turkoyto dmeydo a leşone da came tahte du duyoqo

 Qrayto me 22 leşone, inaqla d’moyıd ha leşono kmoyıth ha camo bi qraytathe dsımle u  nawlo du buqoro da  zedqe da leşone mathkarle u yawmo tibeloyo du leşono emhoyo.

 Me gabo hreno u gabo demoqartoyo da came HDP hule maqırhonutho bu parlemento d’Turkiya bu yawmano du leşono emhoyo inaqa da qoyume tcinewın luhe ba leşone mşahılfe.

U şutoso du nawlo, du buqoro da zedqe du qeyodo udu taşroro dcala leşone da came, bıhdo maqırhonutho dhuwle lu tbocofroso b’Stanbul, mcayadle u yawmo tibeloyo du leşono emhoyo. Bi maqırhonutho dhiwo ba leşone mşahılfe da came, griş u zuhoro di şultonutho d’Turkiya dmimodi a leşono da came tahte du duyoqo leşan dlo mivayci u taymi.

Bi maqırhonutho mawdıc’ste, da carqılyotho dkıtne qum da leşone kulle, klozım dmitaqimi, kull farsufo xıd kobıc dmacış u leşono emhoyo dkıtle, dcayşi a leşone kulle b’şlomo camıhdode. I maqırhonuthathe simo b’ışme d’42 şutose dkito; beynothaye u Federasyon da Hudre Suryoyo-SÜDEF wi sfaryawmo du cameydan b’Turkiya-Sabro.

Me gabo hreno a qoyume du gabo Demoqratoyo da came-HDP bi maqırhonutho dhulın bu yawmo tibeloyo du leşono emhoyo, grışlın u zuhoro cala siayasat dıkmaşyo Turkiya dkıtlın nişo dımvayco hın ma leşone da came du athro. I maqırhonutho dsimo cal ışme da qoyume, mi qoyumto d’HDP b’Omid Dersim Dağ u mırla; ”A leşone dkıtne b’Turkiya tahte di siyase du fşoro d’Ankara’ne dlıkmaqıblo leşone mşahılfe jğer mu leşono Turkoyo-dhowe u leşono dkull noşo dıklozım d’yolafle. Bi maqurhonuthathe a qoyume tcınwolın luhe dkıtwın ba leşone mşahılfe b’Turkiya-xıdu leşono Suryoyo dkıtwe kthiwo cali luho BŞAYNO ba uthwotho Suryoyotho, bu leşono araboyo ba uthwotho araboye u ğer leşone.