Trump u Putin gıdloqın hıdode bi Alaska 15 Ob
U rişono d’Amerika Donald Trump wi şultonutho d’Rusya m’akade, dımatın l’awyutho calu siqumo ucali duktho dgıloqın a tre rişone hıdode leşan dmıdroşo i sbutho di şalyuthzayno beyn Rusya u Ukraina. Trump dmawdacle bi dafayde, dkıtle haymonutho dcal qariwo gıdmımte l’ittifaq beyn Ukraina u Rusya u mırle’ste; Komarno, du rişono Putin kobıc şlomo wu Zelenskij’ste kobıc dhoze dhowe şlomo bu athrayde.
BRITHO — Athmıl casriye m’akıd, di ytawto dgıdhuwyo beyn du rişono Amerikoyo Trump udu bar’amnayde d’Rusya Putin, gıdmisomo 15 bu yarhano bi marcitho d’Alaska. İ mawdconuthathe’ste m’akdole Trump bi dafayde di sosyalmedia ubebzabno mawdacle, dımqarawla i harayto du qrobano beyn Mosko u Kiev.
U rişono Amerikoyo lo huwle fuşoqo rwiho bi sbuthathe elo mırle’ste; Ahna gıdocarlan mede. Gıdhowe teslimo d’dukotho u şuhlofo dğer dukotho leşan i towyutho da gabe kulle. Dafe Amerikoye frişe mawdaclın d’Mosko ftıhto’yo li şalyuthzayno-mqabıl du groşo d’Ukraina ma marcıyotho d’Donetsk u Luhansk. U calathe’ste, Mosko hadırto’yo dmaçmıdo a gbine du qrobo b’Şerson u Zaporizya.
Elo lo u rişqutno d’Ukraina Zelenskij u loste u nomuso esonoyo du athro, kmaqbıli dmitaslım mede man arcothathe la Rusoye. Bi dafo d’Axios magle’ste dgıdowe ba yawmothani ytawto beyn d’Amerika, Ukraina u rişone Urifoye, bu athro d’Britania leşan dmıdroşo i ytawtathe beyn Trump u Putin b’Alaska.
Me gabo hreno mawdıc, bıthır mu droşo dhawi beyn Putin wu mathlono Amerikoyo Steve Wittkof b’Mosko, hawile u rişono Rusoyo baroyo mamlo camu bar’amnayde du Sin Xi Jinping cali netiçe di ytawtathe. Lfuth Kremlin, Xi m’akadle u snodayde l’şroyo aminoyo lu krizano beyn Rusya u Ukraina. U rişwazire d’Polonia Donald Tusk’ste msimono’yo bi sbuthathe u mırle; U qrobano balko lıgtoyım, elo kito signale dgımitaçmıd ucdo u qrobano, mqarawla.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
