TURKIYA: Qoyumo Tuma Çelik mqadamle rmoyto bi sbutho du şqolo u zebono d’arcotho mu TOKİ b’Nsiben
U qoyumo du cameydan bu parlemento d’Turkiya Tuma Çelik mqadamle rmoyto lu waziro da arcotho u du bınyono Murat Kurum bi sbutho da arcotho da qıryawotho du Turo d’izlo du cameydan. Lfut u qoyumo i şirke du tecmiro TOKİ mıdle hın ma aecotho da qıryawothani mi ğazine.
ANKARA / MERDE – U qoyumo bi rmoyteyde komır lfuth i mawdconutho dmatili hın ma comure da qıryawothani dhedor Nsibin inaqa dımşayelın cal hın ma arcotho dkıbci zwnilin, nafıq li holo di Ğazine hiwila li şirke d’TOKİ dkıtyo masırto bi şıltonutho d’Erdoğan. Lfuth i mawdconutho dkito Toki mofaqle hın ma arcothani lu zebono bu bazar ftiho calu darbo du nawlo.
U qoyumo komır mılıf dmsim fşitutho la comre dzawni a mulkonani dkıtne bu şerşo dıde, hiwi lı TOKİ u hathe kibe xulqo lo thnihutho bi fnitho kula.
U qoyumo kımşayıl mu waziro da arcotho u du bınyono Murat Kurum mıqqa arcotho hiwi li şirke d’TOKİ? Mıqqa ma arcothani mawfqi lu zebono? U en i waziruthatxu sımla fulhone dsındutu u zwono da arcotho la comure da qıryawotho.
Bi sbuthathe lo belhude ba qıryawotho du turo d’İzlo kıtlın u qatrano, da arcotho dhın ma qıryawotho du cameydan dımzabni btime celoye la comure mi şirke d’TOKI. Mathlo lu medano i qritho d’Bethqustan dımzabno i arco dkıtyo ba bote di qritho zlıqto mzabno bı time celoye.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
