Turkiya u Rusya mıttafaqlın dmanhıti i harara du qrobo

Bıthır mu qatlo da 36 folhe d’Turkiya bu qlimo d’İdlıb d’Suriya, mşarewolın a mamle wa maqırhonwotho d’Turkiya mqabıl d’Rusya. Be bzabno bhın ma tebe fris mawdıc du gayso d’Rusya’yo dımhele soruhe ba folhe Turkoye.

 Bıthır ma droşe qaşyani mawdıc, da taşdaryotho da tre athrawotho mıttafaqlın dmanhıti i harara du qrobo.

 Mu zabno dımşarele d’qoşe u qrobo d’İdlib, a maqırhonwotho beyn Suriya u Turkiya naqla zayidi wa esore naqla’ste mahwelın da tre athrawotho mıttafqe’ne. Elo bıthır mu qatlo da folhe d’Turkoye du mınyonathe holucdo zayıd hol 50 farsufe, qaşın a maqırhonwotho wa droşe.

Metul dfris tebe dkımmi, du gayso d’Rusya’yo bıthre du qatlo da folhe Turkoye dı qtili b’İdlib’ne. Elo cıl mathe kula i wazirıutho di baroyutho d’Rusya mawdacla dmıttafaqlın cam Turkiya dımanhıti u tansiyon da mamle dkito, leşan dlo mizıl l’qrobo, elo mın kito bi awyuthathe, latyo idico.

Bıthır mu qatlo da folhe dmati u mınyono l’36 folhe u 32 hrene mjarhe, Turkiya mın gıdsaymo latyo idico. Elo Turkiya ucdo l’bikayto’yo, aydarbo gıdmaydo mcadronutho mqabıl da galwoye dkıtne ba thumeyda u dlo gdımdawmo bu gzomo mqabıl d’Urifi.

U Huyodo d’Urifi’ste mzaharle Ankara, dımtabqo a şudoyayda bi sbutho da galwoye udlo turyo dnufqi lan athrawotho d’Urifi. Cali aykanoyuthathe d’İdlıb mawdıc’ste, d’Rusya mşadarla naqla hreto sfinotho du qrobo la lmine d’Suriya, leşan dmazido a tedbirayda di mşaynutho.