UNESCO gıdmacmır me hatho i cito d’Al Tahira bu Daşto d’Ninwes

U şutoso di msaytronutho di yortutho UNESCO mawdacle d’gımşarın a fulhone du hethhotho di cito d’Eltahira dkıtyo u rımzo di sagiyoyutho tawdithoyto du daşto d’Ninwe. A zuze du hehthotho di cito rabthathe di cito Suryoyto qathliqoyto du cameydan gıdmitahwın ma İmarat caraboye mhayde.

İ citathe du cameydan dkıtyo u rımzo di mditho d’Mawsal d’Ninwe shifowa mu taraf da marıhbone dı Dacş bi şato da 2017.

UNESCO bi maqırhonutho d’hule lu tboco froso komır ulsoyoyo di citathe d’Altahira dkıtyo rımzo makatbazabnoyto li fnitho kula dmihattıtho me hatho.

İ citathe dkıtyo tabıcto li cito suryoyto qathuliqoyto macımrowa bi şato da 1859 u sımwo u futoheyda bi şato da 1862, u macmartoyo bu lebo di mdito d’Mawsal dıg hayro l’Ninwe i maktbazabnoyto.

UNESCO komır u hethotheyda gıdmoyıd zabno u klozamle fulhono ğalabe laşan dmitadcıro lu şufreyda u qamoyo.

U masraf du hethhotho di citathe d’Eltahira gıd mitahwe mu athro da İmarat Araboye Mhayde.