10/09/2021

U athro d’Armenia gıdmıştawtıf lu tadbiqat d’Rusya u d’Belarus

Rusya u Belarus mabdelın tadbiqat folhoyo rabo hem mi naşfe, mu yamo umi hawa. Bu tadbiqatano, mıdlın a folhe d’Armenia’ste duktho ebeye.

Lu tadbiqatano dgımıştawtafle hol 200 alfo folhe, mşarele adyawma u gıdmdawım hol 16 bu yarhano d’İlül.

Armenia mawdacla, da folhayda gıdmaydi duktho bu tadbiqat rabo dmabdelın adyawma a hayle d’Rusya u d’Belarus. Lu tadbiqatano mıştawtafle’ste hayle folhoye me hol 10 athrawotho; beynothaye u Hınd, d’Kazakhstan, Kyrgyzstan u Mongolia.

Gawonoyith gıdhodır 200 alfo folhe lu tadbiqatano d’Zapad 2021-awkith Macırbo 2021 gıdmşare b’Mulino d’Rusya. Camgabe da folhe, gıdhowe 80 tayosyotho du qrobo, 15 sfinotho u 760 radoyotho folhoye wu sisteme du mhoyo bu tadbiqatano dgımisım ban arcotho d’Rusya u d’Belarus.

Mşalo mi wazirutho du sutoro d’Rusya bu mamlo dsımle bu zawho du futoho mırle; U tadbiqatano, droşo li hedriye da şuşote Emwothoye dkibın dhowın’yo. Leşan u teqwiyo da hayle folhoyeyo u dmitaqwın a esore beyn dan athrawotho kulle’yo. U kyono du tadbiqatanoste, belhude sutoroyo.

Check Also

İ sictho du hulmono di mdabronutho yothoyto hula mawduconutho rwıhto calu kewo di Corona

Tmınyo farsufe mayithi mi celtho du virus d’Corona, u zıd me 500 hrene tafilın u kewo ba f…