U athro d’Mağrib hule ruşmoyutho lu leşono Amaziğyo
Bu athro du mağrıb u leşono Amaziğyo dkıtyo u leşono şerşoyo du athro hawi leşono ruşmoyo ba şutose di şıltonutho kula. Bıthır mu fusqono dmıdwole u parlemento du athro du leşono Amaziğoyo dhowe leşono ruşmoyo lfuth u nomuso esonoyo ucdo u fusqonano manhıt la haye.
Lfuth u fusqono dmid ucdo a warqe ruşmoye di şıltonutho kule gıdhowın bıtre leşone caraboyo u Amaziğoyo, bu şıklano kulwarqo dkıtyo bu leşono caraboyo gıdmitargo lu leoşono amaziğoyo, wi warqo dkıtyo bu leşono amaziğyo gıdmitargmo lucaraboyo.
Bıthır mıd u leşono caraboyo hawiwo leşono ruşmoyo du athro du mağrıb u leşeono şırşoyo duathro dkıtyo u leşono Amaziğoyo naqıswo u hawo mitawlafwo ba madraşyotho kule, elo bıthır mıd u parlemento mıdwole fusqono dmitahıt u leşonano bu nomuso esonoyo du athro xıd leşono ruşmoyo bişato da 2011 lo manhatwo u fusqonano la haye.
Ucdo bu fusqono dmıdla i şıltonutho manhatla u fusqonano la haye u athro hawi bıtre leşone awkit bu caraboyo u bu leşeono amaziğoyo dkıtyo leşono catiqo du athro du Meğrıb.
Hathe dawse mafıshonithoyo lu athro du Mağrıb dı madcarle naqa hreto u leşono ruşmoyo du athro la haye.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
