U athro du İran şnıqle u athlet İranoyo Afkiri

Navid Afkiri dkıtwe ha ma athlete idice du İran, şniq athmıl bu İran.

 U şnoqano d’Afkiri dıkmıthamwo bu qatlo dı fqido bu zabno da tagliyotho da 2018, xlıqle hfuxye Emwothoye mqabıl di şultonutho d’Tehran.

U athlet idico du İran Navid Afkiri dkıtwe 27 eşne u dıkmıthamwo bu qatlo dıha fqido bu zabno da tagliyotho dsımwolın a saqıbloye di şultonutho du İran ba 2018, şniq athmıl b’Şiraz bu taymno du athro. İ mawdconuthatheste friso mu mqımdino du İran.

U idam du farsufano bu İran, xlıqle hfuxye Emwothoye wu rişono d’Amerika Donald Trumpste, tlıbwole yawme d’Cruto me Tehran dılo şunqole. Bıthır mıd Afkiri msıkwo ba 2018, fris tebe du farsufano mafıt b’teşniqe qaşye hol dı jbir dmawde bu hawbo du qatlo du fqido.

Bu froshezwo du athroste mahwewo aydarbo Afkiri kmıctarıf dı qtile ufqido.U Huyodo Emwothoyo dıkmathıl 85 alfo athlete bı britho, bı qaşyutho krıhle u idam d’Afkiri u ğer tukose noşoyeste mawdaclın u hfuxyathe mqabıl d’Tehran. Kul şato kmışnıq ba mowat dfarsufe bu İran ma thome lo şarire.