U Bethdino da Zedqe Noşoye d’Urifi, naqla hreto hkımle Turkiya

STRASBOURG, Fransa — U Bethdino Urifoyo da Zedqe Noşoye mawdacle, Turkiya kdayşo i hirutho du renyo d’Selahattin Demirtaş, bu troyayde bu hbuşyo kıtla nişo dsaymo hboso cali sagiyonutho u dmahto thume quma nuqoşe folitiqoye.

Demirtaş mu yarho d’Teşrin u Haroyo da 2016 kmımsık yasiro bu hbuşyo. Bi dacwa dhızyo ba 2024 b’Ankara, huwo ele 42 ışne hbuşyo. Beyn da thome bhaq dide kito, dsımle qroyto lu snodo du dalqublo dmahwe b’Kobane mqabıl d’Dacış.

U Bethdino da Zedqe Noşoye d’Urifi bu fusqonano dide u haroyo, hırle calu maşıqlo du msoko d’Demirtaş me 2019 İlul hula 2024. Me meqımste u Bethdino bu maşıqlo du msoko d’Demirtaş da 2016  hula 2019 hkımwole Turkiya u tlıbwole d’Demirtaş dmıtre hiro. Elo u rişqutnu d’Turkiya Rejep Tayyip Erdoğan mahwewole hfuxyo qaşyo lu fusqonano.  

U Bethdino hkımle Turkiya dobo 35 alfo Euro d’Tazminat l’Selahattin Demirtaş, u doboste 20 alfo Euro leşan da masrafe du bethdino.