U Bethdino d’Den Haag hule fusqono calu qatlo d’Rafiq Al Hariri

U bethdino Emwothoyo d’Den Haag adyawma mawdacle, du bethdino dcalu qatlo du rişwazire catiqo d’Lebnon Rafiq al Hariri dıqtılwo bı furqoco cam 21 farsufe hrene.

 Bu fusqono dhule u bethdino Emwothoyo, hkımle farsufo wa 3 hrene dkıtwın  hol ucdo thimoye bu tuyobo du furqocano, şrın mu thomano.

 U qatlo d’Hariri athiwo lu hwoyo meqım 15 ışne dmahatwo foquctho bu darbo dkıtwe fayoto mene u dımfarqıco, bu furqocano qtilwo hiye u 21 farsufe hrene dkıtwene bi dukthathe du furqoco. Bıthır mu qatlano mşrele u camo wa mşale Lebnonoye dı tıhmi Hizbullah u wu rejim d’Suriya bu qatlano metul du rişwazire Hariri lo manhatwo katfo lu İran.

Bıthır mathe mşarele u bethdino d’Lebnon dımbayın a farsufe dkıtne bıthre du qatlano dkıtne farsufe bu Hızbullah u hıne zet mşalene bu gurub. 4 farsufe dıkmithomiwo bu qatlano Hızbullah lo masılmile lu bethdino cıl mıd kıtwo 4 farsufe thimoye b’darğo celoyo, bıthır mathe u bethdino mawsıq lu bethdino emwothoyo dkıtyo b’Hollanda mi şato da 2006 hul ucdo.

Bi sbuthathe dkıtyo siyasi grışle 14 ışne hul u bethdino dhule fusqono bi sbuthathe da thimoye latne msike u lo hadiri bu bethdino. A thimoye dkıtne me Hızbullah u dkıtne mşale hanine: Hasan Anisi, Hasan Habib Merhi, Hasan Sabra u Selim Ayyaş. Ma farsufani Habib Merhi, Hasan Sabra Hasan Anisi şrın ma thome dkıtwo aclaye u Selim Ayyaş hıze hayobo lu qatlo du rişwazire catiqo d’Lebnoın Rafiq Hariri.

Lu bethdino dsim adyoma b’Hollanda mıştawtafle u rişwazire Sacıd Hariri dkıtyo u abro d’Rafiq Hariri dıqtolwo bu furqoco dmahıtwo bu darbeyde 14 bu yarho d’Şbot di şato 2005. U fusqonano du bethdino mcawıq lu zabnano bıthır mıd hawınwo a furqoce du lmino dhawın celtho lu qatlo d’zıtır me 180 farsufe u bebzabno hawın celtho lu rişwazire u li şıltonutho kule dmıstahfo mi wolitheyda.