Turkiya kmacbıro gurube marıhbone l’Lebnon

Turkiya kıbco dımdaxlo lu athro d’Lebnon bu tecbiro dı gurube marıhbone dkıtla b’Suriya lu athro d’Lebnon.

 Lfuth i Mtakasto da Zedqe Noşoye d’Suriya Turkiya macbarla 132 marıhbone me Suriya l’Lebnon u marıkwila b’Trablus bi duktho dıkhoye buzyudo maşılmone sınna.

 Bıthır mu fruqoco dhawiwo 4 bu yarhano d’Ob b’Beyrut d’Lebnon, athrawotho mşahılfe sımlın socurutho lu athro u mahwelın u snodathe lu camo Lebnonoyo. Ha man athrawotho qamoyo Fransawa dıkmıhşowo u athro dımarkawla Lebnon.

Bi maqırhonutho dsımwole Emnanuel Macron mırwole; athina meqım me Turkiya dmahto rağla bu athro. Bıthır mene u waziro di baroyutho d’Turkiya mırwole; kull man domır kıtli barmothoyutho d’Turkiya, ahna gıdsundinale.

Ucdoste u tbocofroso kmawdıc d’Turkiya macbarla 132 marıhbone mani dkıtla b’Suriya cala darbone lo qonunoye leşan da farsufani, dsaymi fulhone d’Lebnon leşan u yuthrono d’Turkiya.

Lfuth a tebani a 132 farsufani marıkwi bi fnitho d’Tarablus d’Lebnon bi duktho dıkhoye eba bu zyudo maşılmone Sunna dkıtne bu renyo qariwo lu rişqutno Erdoğan bu darbo di maşlmonutho. Bu dumyano Turkiya kımdaxlo lu athro d’Lebnon xıd mdaxela l’Libya, Suriya u Iraq u Azerbayjan.