U cameydan b’Tellısqof sımle u cedo da Uşacne

Yawme d’Huşabo dşaficina dkıtwe u cedo da Uşacne lfuth u surgodo macırboyo, i qastra du camaydan dı Tellısqof di daşto d’Ninwe, kmahwiyowa xıd gantho dkiba warde u baybune mşahılfe.

Ba mowat du camaydan dı Tellısqof u dğer dukotho di daşto, mıştawtaflın lu halxo di zuyoho da Uşcane, u mıthabatlın dkıtne fayoşe bu cafro da nabohotho.

İ marcitho di cito d’Mor Gorgis dı Tellısqof di daşto d’Ninwe, mtayabla yawme d’Huşabo dşaficina u halxo du zuyoho da Uşacne ba zabuqone di mditho. Lu zuyohano mıştawtaflın a’tre kohne di marcitho xuroyo Fares Yaqo u qaşişo Karam Qaşa, uba mowat du camaydan dkıtne comure b’Tellısqof u dımgalwelın ela ma mdinotho d’Batnaya, Telkepe, Baqufa u Mawsal, u acmaye ste a’yolufe da madraşyotho şarwoye udu jimnasiet wa nacime da ganathşabre.

A’rabe dılwışlın lbuşe marduthoye du fıluklor du camaydan, a’nacime ste malwışi lbuşe dkıtlın gawne frişe u zahye, u tcınlın a’tarfe da zaytune uda tamre u slibe bidothaye, u mazcaqlın u mırlın “Uşacna lu w’abro dı Dawid”.

Ba slawotho uba qole citonoye, u zuyohano dımşarele mi cito d’Mor Gorgis mdawamle ste bu halxo dımtayıb bu zabuqo rişoyo, bu zabuqo du korniş ubu zabuqo dı Tello, hul dmatın a’mhaymne lu zabuqo da bethıqbure d’Ibni Maran. Ubıthır mathe a’mhalxone daciri naqla hreto lu zabuqo rişoyo hul dmatın li cito d’Mor Gorgis dı Tellısqof.

Ahfitwotho da Uşacne dımtaybile u camaydan i şatathe bi daşto d’Ninwe kıgırşi u zuhoro, u kmahwe dkıbci d’obın funoyo li socurutho du papa uli egarthayde la Mşihoye du Iraq, ubu şıklano kımakdi li qadişuthayde dhınne fayoşe ne bu cafro makthabzabnoyo da nabohothathe.