Maqbıl u yowno dı ha Nison nyuhto rışmoyto lu camaydan b’Kerxıslox

Bi cohnutho du cedo di rişıdşato umthoyto d’Akitu, mbayın ramhıl yawme d’Hamşo dıknofıl ha bu yarho d’Nison, nyuhto ruşmoyto lu camaydan u Kaldoyo Suryoyo Othuroyo dıkhoye bi hiğmonutho d’Kerxıslox bu garbiyo du Iraq.

İmdabronutho di hiğmonutho d’Kerxıslox du Iraq, athmıl fsıqla dmitahwe yawme d’Hamşo ramhıl dıknofıl ha bu yarho d’Nison dıbqamuthayna, nyuhto ruşmoyto la Mşihoye d’Kerxıslox, bi cohnutho di rişıdşato Bıbloyto Othuroyto d’Akitu da n’6 alfo u 771.

İ şultonutho du Iraq udu qlimo d’Kurdistan cıl mıdkul şato dkımhanın u camo Kaldoyo Suryoyo Othuroyo bi cohnutho di rişıdşato umthoyto d’Akitu, elo hul ucdo lımbayanlın u yawmo d’ha Nison yawmo athronoyo lu Iraq u nyuhto ruşmoyto la Iraqoye kulle, dilonoyith cal du cedo d’Akitu kımmathıl falqo mi yortutho umi mdinoyutho catırto d’Bethnahrin.

Mawxaste, hın ma qoyume du camaydan bu parlamento du Iraq udu qlimo d’Kurdistan, tlıbwolın ba n’ışne dşaficina mi şultonutho d’Boğdod ud’Arbil dımbayni u yawmo d’ha Nison nyuhto ruşmoyto lu Iraq.